الرئيسية > ميديا وثقافة > فيه 40 لوحة متنوعة.. جمعية بصمات دارت معرض افتراضي فعز كورونا
04/06/2020 21:00 ميديا وثقافة

فيه 40 لوحة متنوعة.. جمعية بصمات دارت معرض افتراضي فعز كورونا

فيه 40 لوحة متنوعة.. جمعية بصمات دارت معرض افتراضي فعز كورونا

عفراء علوي محمدي- كود//

نظمات جمعية بصمات للفنون الجميلة، معرض عن بعد تحت شعار “الثقافة في دارك فن”، وهذشي فإطار الأنشطة الفنية والثقافية اللي كتنظمها المديرية الجهوية للثقافة لجهة الدار البيضاء ـ سطات.

وحسب إفادة أحمد بويدي، رئيس جمعية بصمات للفنون الجميلة، مشاركين فهذ المعرض أربعة فنانين من مختلف المشارب و الاتجاهات، وهوما اسماعيل تيرسي من كازا، ورشيد زيزي من مراكش، وعادل الصافي من آسفي، بالإضافة ليه هو، وغدي تتعرض فهذ الفعاليات فيه 40 لوحة نجزوها هذ الفنانين خلال الحجر الصحي.

وفكلمتها الافتتاحية، خلال المعرض الافتراضي، قالت حفيظة خويي، المديرة الجهوية للثقافة فجهة كازا سطات، بللي “فظل الظروف اللي كيعيشها العالم، إثر تفشي وباء كورونا، بادرات المديرية الجهوية لوزارة الثقافية باش تدير هذ المعرض، “إيمانا منها بالدور الكبير الذي تلعبه الثقافة في فك جسر التواصل مع المواطنين”، على حد تعبيرها.

وحسبها، تنوعات فقرات هذ المعرض باش تستجب لكل الأذواق، وشملات الموسيقى والأدب والمسرح وورشات الفنون التشكيلية والعروض الترفيهية الخاصة بالأطفال واللقاءات الحوارية مع الأدباء والفنانين.

موضوعات أخرى

10/07/2020 09:17

حصيلة كورونا هاد الصباح: 115 تصابو و258 تشافاو وواحد مات.. الطوطال: 15194 حالة و11705 متعافي و243 متوفي و3246 كيتعالجو

10/07/2020 09:00

العباسي رئيس المهمة الاستطلاعية للوقوف على وضعية لحباسات لـ”كود”: أصل المشاكل كاين فقلة الاعتمادات المرصودة لمندوبية السجون وها سباب معضلة الاكتظاظ

10/07/2020 08:36

هاداك اللي جاب لينا عدو للارام فبلاصة بنهيمة ما يسمحوش ليه لمغاربة. واش هاد المدير ديالو الشركة باش يقرر يحيد 20 طيارة فدقة راه ملك لمغاربة كلهم

10/07/2020 08:00

آش هاد القرارات العوجة ؟ ففرانسا مثلا مايمكنش ليك دير التحليلات ديال كورونا و نتا مافيكش الاعراض ! ايوا كيفاش غايديرو المغاربة يدخلو للبلاد و نتوما مبززين عليهم التحليلة ؟!