الرئيسية > تبركيك > فيهم كساوي وصيكان وكتوبا.. 800 پياسة ديال إيمي واينهاوس معروضين للبيع بفلوس صحيحة – تدوينة و تصاور
14/10/2021 00:00 تبركيك

فيهم كساوي وصيكان وكتوبا.. 800 پياسة ديال إيمي واينهاوس معروضين للبيع بفلوس صحيحة – تدوينة و تصاور

فيهم كساوي وصيكان وكتوبا.. 800 پياسة ديال إيمي واينهاوس معروضين للبيع بفلوس صحيحة – تدوينة و تصاور

وكالات //

ابتداء من السيمانة الجاية غادي تعرض دار “جوليانز أوكشنز” (Julien’s Auctions) كثر من 800 بياسة ديال المغنية البريطانية الراحلة إيمي واينهاوس، فيها كساوي وصيكان وكتوبا ونظاظر وآلات موسيقية ولاليست طويلة.

القيمة المادية ديال هاد الپياسات كتوصل ما بين مليون و2 مليون دولار، وغادي يتم تنظيم مزاد علني كبير بداية شهر نونبر الجاي.

الوالدين ديال إيمي بغاو من خلال هاد المزاد العلني يحافظو على الإرث ديال بنتهم ويجمعو الفلوس للمؤسسة ديالهم اللي كتعاون الشباب المبليين بالحشيش والشراب وكل أنواع الدروكَ.

وماتت نجمة السول، البلوز و الجاز ملي كان عندها 27 عام، نهار 23 يوليوز 2011 بسباب أوڤر دوز.

https://www.instagram.com/juliens_auctions/

موضوعات أخرى

25/10/2021 13:30

كرة الاحتجاجات ضد ايت الطالب كبرات.. أكبر تجمع نقابي بوزارة الصحة غايبدا سلسلة الوقفات ضد فشل الوزير فالتدبير و”التخلويض” فالمديريات