وكالات//

تشدو 55 راجل ففرنسا ما بين الاثنين والخميس، فواحد العملية كبيرة باش يحيدو شبكة متورطة فاعتداءات جنسية على دراري صغار، واللي كانت خدامة عبر تطبيق “تلغرام” ديال الميساجات المشفّرة.

لونكيط دام 10 شهور، كيف ما قال مكتب حماية القاصرين ففرنسا لوكالة “فرانس برس” نهار الخميس.

وقال رئيس قسم العمليات فداك المكتب، اللي سميتو كانتان بيفان، إن المتهمين اللي الأعمار ديالهم ما بين 25 و75 عام، فيهم فقيه (كاهن)، وجد، وسائق ديال أمبيلانس، وناس كيعتابروهم “أرباب عائلات مزيانين”، وأستاذ ديال الموسيقى وناس عايشين بوحدهم، وكانو كيهضرو مع بعضياتهم فـ”تيليغرام”، وكيتواصْلو حتى مع ناس خطيرين بزاف متورطين فجرائم جنسية على الدراري، وهاد الناس راه تشدو من الصيف اللي فات.

الاعتقالات داروها فـ 42 منطقة ففرنسا، والتهم هي الحيازة، والتوزيع، والمشاهدة ديال صور إباحية كتهم ولاد صغار “أقل من 10 سنين”.