كود كازا///

فين غاديين بيينا بهاد التضييق.. هادشي لي لقى الواحد يكول فظل هاد الخبار لي كتطيح علينا فهاد الأربعاء لكحل بحال لحجر. فحسب ما كالت “هيسبريس”، اليوم تمنع الرابور كه فحصي، المعروف بـ “اتلغران دي طوطو” من السفر خارج المغرب، بموجب قرار قضائي على خلفية شكاية دايرها ضدو الإعلامي محمد التيجني.

هاد القرار غبي لي طال طوطو لي كيجي بعدما تلاقاه ولي العهد فالرباط، تزامن مع قرار آخر ممفهومش وكيدير كسيدة فالراس، وهو سحب المركز السينمائي المغربي البطاقة المهنية لمخرج فيلم “زنقة كونتاكت” اسماعيل العراقي، بسبب الموسيقى التي تم استغلالها في هذا العمل السينمائي، وهي اغنية تعود للفنانة الانفصالية مريم منت حسان.

ولي تعاطت عليه بدوره تبرايرات غبية، لأن الفيلم تشاف ف16 قاعة سنيمائية ب6 مدن وشافوه 8000 متفرج، بلا ما يكون اي تعليق عليه او ملاحظة. وفين كان هاد المركز.

دابا هنا فالقرن واحد وعشرين وباقيين كنشوفو هادشي. كنشوفو تضييق واصل حتى للفن بهاد الشكل. ولي كيخلي كولشي مبرزط على الحريات عندنا فالبلاد فين غادي توصال بهاد التراجع.