الرئيسية > آراء > فين عايشين باش صحافيين ف”ميدي 1 تي في” خلاو خدمتهم وكيديرو اللايڤات بحال نيبا ومي نعيمة. واش كاين شي قناة فالعالم تقبل شي وحدين مخليين خدمتهم اللي شهراتهم وحاضيين الفايس ويقول ليك حرية التعبير… وتا نوض
20/05/2020 15:15 آراء

فين عايشين باش صحافيين ف”ميدي 1 تي في” خلاو خدمتهم وكيديرو اللايڤات بحال نيبا ومي نعيمة. واش كاين شي قناة فالعالم تقبل شي وحدين مخليين خدمتهم اللي شهراتهم وحاضيين الفايس ويقول ليك حرية التعبير… وتا نوض

فين عايشين باش صحافيين ف”ميدي 1 تي في” خلاو خدمتهم وكيديرو اللايڤات بحال نيبا ومي نعيمة. واش كاين شي قناة فالعالم تقبل شي وحدين مخليين خدمتهم اللي شهراتهم وحاضيين الفايس ويقول ليك حرية التعبير… وتا نوض

كود هناء ابو علي ///

نايضة هاد ليام على امر غريب. واش من حق صحافي اسمو يوسف بلهيسي اللي خدام فقناة “ميدي 1 تي في” يفتح قناة خاصة بيها بحال مي نعيمة ويدخل فيها فليسات؟ الغريب ان كاين شي وحدين كيدافعو على حق هاد الصحافي يستمر فهاد الشي. غريب هاد الشي حقاش بالعقل ما يمكنش. 

هاد الصحافي براسو بلا حيا بلا حشمة ناض كتب هادي يوم على صفحتو على الفايسبوك “أنشطتي على مواقع التواصل الاجتماعي لا تتعارض مع التزاماتي المهنية بالمؤسسة التي أشتغل فيها، وهي استمرار لها. أفتخر بالعمل بقناة ميدي1 تيفي، وكنت من المساهمين في هذا المشروع الاعلامي المتميز ببلادنا”.

بغيتي تكون بحال مي نعيمة ونيبا وروتيني اليومي من حقك ولكن استاقل من القناة. اللي غريب كيفاش هاد الادارة اصلا سمحات بهاد التسيب. كيفاش قناة كتقلب علي راسها وباغية تولي قناة اخبارية ولاو صحافييها مقابلين مواقع التواصل الاجتماعي. كيفاش صحافي سبق ليه اعتبر العصيان اللي وقع فطنجة فاولى ايام الحجر الصحي “مشهد للتاريخ” كيقول بفمو “انشطتي على مواقع التواصل الاجتماعي”.

هاد الصحافيين دارو اسم فالقناة وبغاو يستغلو داك الاسم باش يستاضفو وزراء بحال عزيز الرباح اللي من غباؤو قبل انو يجي فلايف عند صحافي. واش هاد العملية ممكن تقبلها شي مؤسسة. 

اللي كيبان منطقي ومعقول هو ان هاد الصحافي ما لقاش حرية يقول اللي بغى يقدم استقالتو ويكثر انشطتو فوسائل التواصل الاجتماعي. هاد السيبة ايلى لاحظتو كاينة ف”ميدي 1 تيفي” عند شي وحدين ماشي كلشي وكاينة عند شي مدراء فالشركة الوطنية للاذاعة والتلفزيون كيعيشو علي الريع. كيتخلصو على مناصب بلا ما يقومو بشي عمل. حاضيين الفايسبوك. 

لاحظو “دوزيم” هاد لبسالة ما كايناش. واخا كاينين صحافيين اكثر شهرة بحال جامع كلحسن واللي يستحيل تلقاه كيدير هاد لبسالة. حقاش كيحتارم قناتو كيحتارم مهنتو. 

منع ادارة التحرير لهادو ف”ميدي 1 تي في” ما كانش يكون. حقاش خاص البلهيسي وصحابو يفهمو ريوسهم. 

موضوعات أخرى

02/06/2020 11:00

فزمان كورونا وحالة الطوارئ. الحموشي جا لفاس.. بان فشارع علال ابن عبد الله كيتابع براسو الترتيبات الأمنية.. ومشا للمناطق الشعبية وزيارتو خلقات استنفار أمني كبير

02/06/2020 10:30

ابتسام لشكَر لـ”كود”: حقوقيون استغلو طريقة تصفية المخزن لحساباتو مع الريسوني باش يهاجمو الضحية آدم.. وهذي “هوموفوبيا” و”عقلية ذكورية” و تطبيع مع الاغتصاب

02/06/2020 10:00

خاص.. القايدة حُورِيَة الشخصية الأكثر تأثيرا عند المغاربة في حوار مع “كود”: استفدت من دروس فالتدبير العسكري وكنت مع أول فوج نسائي فالإدارة الترابية وها شنو هو طموحي الآن -تصاور ما دايرينش ديالها

02/06/2020 09:30

واش بصاح سوق الجملة دالخضرة ولى “بؤرة” لكورونا فيروس؟ مصدر ل”كود”: كاينة مبالغة كبيرة وراه لحد الان كاين 6 حالات فسوق فيه 30 گطار ويقدر يدخلو 50 الف فنهار واحد