الرئيسية > آش واقع > فين اجهزة الدولة؟ مينتو حيدار خرجات ليها نيشان.. دارت هيئة جديدة سياسية هاد المرة ماشي حقوقية وتابعة للبوليساريو فالعيون. تحدات حالة الطوارئ ودارت اجتماع ما فيهش تباعد وطلعات اسم عدواني “الهيئة الصحراوية لمناهضة الاحتلال المغربي”
21/09/2020 08:30 آش واقع

فين اجهزة الدولة؟ مينتو حيدار خرجات ليها نيشان.. دارت هيئة جديدة سياسية هاد المرة ماشي حقوقية وتابعة للبوليساريو فالعيون. تحدات حالة الطوارئ ودارت اجتماع ما فيهش تباعد وطلعات اسم عدواني “الهيئة الصحراوية لمناهضة الاحتلال المغربي”

فين اجهزة الدولة؟ مينتو حيدار خرجات ليها نيشان.. دارت هيئة جديدة سياسية هاد المرة ماشي حقوقية وتابعة للبوليساريو فالعيون. تحدات حالة الطوارئ ودارت اجتماع ما فيهش تباعد وطلعات اسم عدواني “الهيئة الصحراوية لمناهضة الاحتلال المغربي”

عالي الصافي _العيون //

مينتو حيدار خرجات ليها نيشان، وعلنات عن تأسيس هيئة جديدة تابعة للبوليساريو فمدينة العيون، طلقات عليها إسم “الهيئة الصحراوية لمناهظة الاحتلال المغربي”، تحت إسم “مؤتمر الشهيد محمد عبد العزيز !!

هاد الهيئة العدوانية لي علنات مينتو حيدار عن ترأسها، كانت مطبوخة ومتوقعة بعدما تم حل “كوديسا”، تجمع المدافعين الصحراويين عن حقوق الإنسان، اللي وقعات فيه فالسنوات الأخيرة مشاكل فالتسيير والعشوائية وتضارب فالمصالح وأيضا باش يتخلصو من شي أسماء دارتليهم الفرشة كيف ماقال آخر بيان لكوديسا.

ولكن الواقعة الخطيرة لي كتطرح تساؤلات لدى عديد المواطنين، هي كيف تم السماح لهاذ العناصر بالتجمع في ظل تطبيق حالة الطوارئ ومنع التجمعات المفروضة بسبب انتشار وباء كورونا، واش السلطات على علم بهاد المهزلة اللي وقعات ولا كيعتبر شكل من أشكال التحدي من المجموعة للدولة، علما بأن الهيئة الجديدة جمعات ازيد من 40 واحد.

الهيئة العدوانية وفختام تأسيسها دارت بيان تأسيسي، وقالت فيه بأن هاذ الإطار كيجي للتعبير عن الاستعداد الدائم للنضال من أجل حرية واستقلال الشعب الصحراوي، واعتابرتو حق يشكل أساس وروح جميع الحقوق المدنية والسياسية.

وضمت الهيئة مجموعة من الحقوقيين النشيطين فالأقاليم الجنوبية ولي دايما كينظمو وقفات بالصحرا، وعلى راسهم أمينتو حيدار و الغالية دجيمي و أمينة أباعلي و محمد المتوكل و حمادي الناصري و عبدالرحمان زيو و لحسن دليل، وحضرو سيدي محمد ددش، حسنة دويهي، حماد حماد، محمد سلامة حمية، فاطمة منت الشهيد، مليكة ندور، مصطفى الداه (دافة) وشي وحدين آخرين.

دابا السؤال المطروح، واش غادي تتعامل السلطات بحزم مع هذا التحدي ودير شي قرار يتناسب مع خطورة هذا الحدث وتتاخذ جميع الاجراءات الكفيلة بصون وحدة الوطن والدفاع عنها والضرب بقوة على كل يتآمر ضدها، وهاذي مطالب عدد من الغيوريين على الوحدة الترابية للمملكة فمواقع التواصل.

موضوعات أخرى

21/10/2020 21:30

بعد لقاء أمانة البي جي دي”.. قيادي لـ”كود”: مايمكنش نتنازلو على القاسم الانتخابي لأنه كيضرب سيادة الأمة والملكية فالمغرب مع الأحزاب وماشي ضدها

21/10/2020 21:00

أنس الباز دار البوز بعقيقة بنتو.. ووضح: البوليس ماستدعاونيش واحتارمت گاع التدابير الوقائية ضد كورونا- غير هو التصاور والفيديوهات كيبينو العكس