كود سبور//

كايبان أن صدمة خسارة الكرة الذهبية، ما غاتدوزش بشكل عادي عند البرازيلي فينيسيوس جونيور نجم ريال مدريد الإسباني، اللي ما رضاش باحتلال المركز الثاني ورا الإسباني رودري نجم مانشستر سيتي.

وخرج فينيسيوس جونيور على السكات ديالو بعد صدمة خسارة الكورة الذهبية، اللي كان كلشي كايقول أنه هو اللي ربحها قبل ما يطير بها الإسباني رودري، وقال فينيسيوس فتغريدة على موقع “X”:غاندير الدوبل 10 المرات ديال داكشي اللي درت إلى جابتها الوقت، وراهم ما واجدينش”.

وكان فينيسيوس جونيور وريال مدريد معولين أنه غايربح الكورة الذهبية ووجدو ريوسهم باش يحتافلو قبل ما توصلهم لخبار أن رودري نجم مانشستر سيتي هو اللي ربح قبل ساعات من حفل تسليم الجائزة، وهما يقاطعو الحفل وما مشاوش له.