الوالي الزاز كود العيون ////
الإمارات العربية المتحدة حلات قنصلية عامة عندنا فالعيون وداز التدشين بالفرحات علينا لأنه موقف مزيان كيجسد دعم هاد لبلاد للوحدة الترابية للمملكة وغادي يخلي بلدان بزاف تمشي فنفس الطرح وبالتالي نكسبو شرعية أكبر فموقفنا.
حتى لدابا مزيان، ولكن الإمارات معروف أنها كتلعب على الحبلين، وفي هذا الصدد وقفت “كود” على إعتماد الموقع الرسمي لوزارة الخارجية للإمارات لخريطة المملكة المغربية مجتزأة وبدون الصحراء، حيث عمد الموقع على الفصل بين المغرب وصحرائة بخط فاصل واضح للعيان.
هاد التصرفات لي بحال هاكدا ما مقبولاش ومرفوضة من دولة كتقول أنها مع وحدتنا الترابية ومع المملكة المغربية وتسعى لإستكمال مسار علاقاتها التاريخية معانا. ما يمكش يقولو لينا شي حاجة ويديرو شي حاجة أخرى. هادشي خاص يجاوبنا عليه بوريطة ويقول لينا علاش الإمارات دايرة خريطة المغرب بدون الصحرا قبل وزارة خارجية الإمارات.
موضوعات أخرى
