كود سبور//

خرج الوداد الرياضي خاسر فالشوط الأول من إياب فينال السوبر ليك الإفريقي، ضد ماميلودي صن داونز الجنوب إفريقي اليوم الاحد فبريطوريا.

وسالا الشوط الأول من الفينال بين الفريقين بهدف واحد لزيزو لمصلحة ماميلودي صن داونز، اللي دار ضغط كبير واستحوذ على كورة وتسنى هفوة دفاع الوداد وقدر يماركي هدف عن طريق بيتر شالولي فالدقيقة 47، وبالمقابل ماداروش الوداد محاولة خطيرة حيث لاقيين مشكل فالتحول من الدفاع للهجوم فالكونطر اتاك.

ومن المنتظر تزيد تشعل المباراة فالشوط ديالها الثاني بين الفريقين، حيث الوداد مطالبين يماركيو هدف يرجع لهم اللقب، لأن محموع المبارتين (الذهاب والإياب) حتى لدابا فمصلحة الفريق الجنوب إفريقي وبالمقابل صن داونز حتى هما باغيين يأمنو النتيجة.