كود سبور//
أكد هوبر فيلود مدرب الجيش الملكي، أن الفريق غايدخل الماتش ضد الرجاء الرياضي، غدا السبت فمكناس برسم الجولة 5 من دور مجموعات دوري أبطال افريقيا، باش يربح ويحسم التأهل إلى دور ربع النهائي.
ووضح هوبر مدرب الجيش الملكي خلال الندوة الصحافية اللي كاتسبق ماتش ليفار والرجاء الرياضي: “الماتش بين ليفار والرجا عندو خصوصية فالمغرب، وحنا باغيين نربحو وهذا الشي اللي دايرين فبالنا، وغايكون غلط كبير إلى حاولنا غير نجيريو الماتش”.
وأكد مدرب ليفار: “خاصنا نفرضو الأسلوب ديالنا وعندنا طريقة لعب ديالنا كاتركز بزاف على الهجوم وما يمكنش نبدلو هذا الشي وخصوصا فهاد الماتش والوضع الحالي غايخلينا نقلبو على الرباح حيث هذا ماتش خاص”.