اسماء غربي -كود//

علم كود أن الجمهور اللي دخل للفيلم الجديد وليلي ديال المخرج فوزي بن سعيدي باقي قليل رغم مرور أسبوع تقريبا على بداية العرض ديالو في القاعات الوطنية، لكن الموزعين ديال الفيلم متفائلين بتحقيق الفيلم نسب دخول مرتفعة في الأسابيع المقبلة.

الفيلم ديال فوزي، المعروف بالأعمال ديالو النخبوية اللي كا تستهدف واحد الطبقة معينة من الجمهور، ما مديورش للسينمات والجمهور الغفير، اللي كا يفضل عليه أفلام فركوس اللي كا تسجل إيرادات عالية،  و أفلام ديال الضحك والتقشاب بحال فيلم “الحنش” أو “كابول” اللي حطم رقم قياسي في مدة العرض ديالو في السينمات المغربية فاتت عامين.