الرئيسية > كود-تيفي > فيلم “لاپلانيت دي سانج” رجع حقيقة فـ تايلاند.. القرودة هلكهوم الجوع وهجمو على مدينة ونوضو فيها الروينة – فيديو
28/07/2021 00:00 كود-تيفي

فيلم “لاپلانيت دي سانج” رجع حقيقة فـ تايلاند.. القرودة هلكهوم الجوع وهجمو على مدينة ونوضو فيها الروينة – فيديو

فيلم “لاپلانيت دي سانج” رجع حقيقة فـ تايلاند.. القرودة هلكهوم الجوع وهجمو على مدينة ونوضو فيها الروينة – فيديو

كود – وكالات //

مئات القرودة غزات شوارع مدن فـ التايلاند، وحبسات حركة المرور، فمشهد كايشبه بزاف لفيلم “كوكب القرودة”.

وحسب صحيفة “ديلي ميل” البريطانية، تسبب نقص السياح اللي كايوكلو القرودة، بسباب جايحة فيروس كورونا، لخروج القردة فشوارع عدد من مدن التايلاد، وتمردها.

وحبسو القرودة الطرقان، وبزاف منهم بداو يضاربو بيناتهم ويغوتو، ودارو الفوضى، وهادشي خلا حركة المرور تتوقف لمدة، وخصوصا وأن بعض القردة كان عنيف.

وكشفو سكان بعص المدن التايلاندية أن القرودة كان قاتلهوم الجوع، وجعرو من بعد ما غبرو عليهم السياح ومابقى حد يعطيهم الماكلة، بسباب وباء كورونا.

وكشف البعض أن القردة احتلات شي بنايات سكنية، وفرضات على بعض الناس يخرجو من ديورهم.

وفيلم “كوكب القرودة” (La Planète des singes / Planet of the Apes) جا مطابق بزاف مع هاد المشاهد فالمرحلة ديال الجايحة، واللي كايحكي على سيطرة القرودة على العالم، بسباب انتشار وباء فتاك.

موضوعات أخرى

18/09/2021 13:30

جهة فاس مكناس.. انتخاب نوفل شباط رئيس لجماعة “برارحة” والفايق خدا الرئاسة فـ جماعة ولاد الطيب بالأغلبية ولعفو فـ جماعة عين الشقف والبوزيدي فـ تاونات