وكالات//

تحول عرض فيلم الرعب Final Destination :Bloodlines فواحد السينما ف الأرجنتين من الشاشة لمشهد واقعي وكارثي، بعدما طاح جزء من سقف القاعة على ريوس الناس اللي كانو كيتفرجو، وهادشي تسبب فإصابات كثيرة، ولكن ما كانوش وفيات.

الواقعة كانت فليلة الأحد 19 ماي، فـ”سينما أوتشو” بمدينة لا بلاتا، اللي قريبة من العاصمة بوينس آيرس، وهادشي وقع مع العرض الأول ديال الفيلم، حسب ما قالو فموقع “إنفوباي” الأرجنتيني.

فياما فيلافيردي، اللي كانت من بين الناس اللي حضرو، قالت أن الزيارة للسينما كانت غير صدفة بمناسبة عيد ميلادها، ومشات هي وبنتها وصاحبتها يتفرجو، حيث جذبهم الثمن الرخيص ديال التذاكر.