كود سبور//

عيط الاسباني خورخي فيلدا مدرب المنتخب الوطني المغربي للعيالات، اليوم الخميس لـ27 لاعبة، باش يدخلو فمعسكر جديد استعدادا لكاس أفريقيا العيالات “المغرب2025″، اللي غاتكون الصيف الجاي فالمغرب.

وعيط خورخي فيلدا على هاد اللاعبات باش يشاركو مع المنتخب الوطني المغربي النسوي فجوج ماتشات وديين ضد كل من منتخبات تونس والكاميرون يومي 4 و 8 أبريل 2025 فتيران البير جيگو فكازا.

ومتكونة لاليست ديال اللاعبات اللي عيط لهم المدرب من فاطمة الجبراوي، وزينب العراري، وهند حسناوي، وإيناس أوريسا، والمدافعات زينب الرضواني، وجنة شريف، وحنان ايت الحاج، وعزيزة الرباح، ونهيلة بنزينة، وسيهام بوخامي، وياسمين المرابط، وفاطمة الغزواني.

ووسط التيران فيه نجاة بدري، والكابيتان غزلان الشباك، وإيلودي النقاش، وسارة كاسي، وسمية هادي، وسناء مسعودي، وإيمان الغزواني، والمهاجمات فاطمة تاگناوت، وسكنية وزراوي، وجاد ناسي، ورانية بوطيب، وإيمان سعود، وابتسام جرايدي، وكنزة شابيل، وروزيلا ايان.