گود سبور//

أكد الإسباني خورخي فيلدا مدرب المنتخب الوطني المغربي النسوي لكرة القدم، أن الرباح ديال اللبؤات على الكونگو الديمقراطية ضمن الجولة الثانية من دور مجموعات كاس أفريقيا للعيالات “المغرب 2025″، رجّع الثقة للاعبات المغربيات باش يقدرو يكملو مزيان فالبطولة.

وهضر خورخي فيلدا من ورا ماتش المغرب والكونگو الديمقراطية اللي سالا بنتيجة 4-2 لمصلحة اللبؤات، وقال:”المهم هو قدرنا نماركيو وكان مستوى المنتخب مزيان حتى فالدفاع”.

وكمل فيلدا: “الرباح مهم وغانكملو فهاد الطريق ضد السنغال الماتش الجاي، ووضح وقال على ماتش الكونگو: “ملي تماركا علينا الهدف درنا روتوش تكتيكية فالخطة باش نكونو سراع كثر فمنطقة العمليات ديال الخصم، ونتيجة الماتش كاتبين العدد الكبير من الفرص اللي خلقناها”.

وزاد فيلدا، وقال: “قدامنا غير يومين من الماتش الثاني ضد السنغال وهي مباراة حاسمة للتأهل، والهدف ديالنا نربحو باش نساليو لگروبات فصدارة الترتيب واخا الخصم ديالنا الجاي قوي ولكن غانوجدو لهم مزيان”.