كود سبور- فيلاديلفيا//

عايشة ولاية فيلاديلفيا الأمريكية اجواء زوينة واخا منظمين فيها شي ماتشات ديال كاس العالم للاندية 2025، فتيرانلينكولن فاينانشان ستاديوم اللي خاص لكرة القدم الأمريكية، ومن بينهم 2 ماتشات ديال الوداد الرياضي.

وبحالها بحال گاع الولايات المتحدة الأمريكية، فالرياضة الأكثر شعبية بفيلاديلفيا ماشي هي كرة القدم، ولكن هي كرة القدم الأمريكية اللي كاتشبه للريگبي، والفريق الشهير ديال المدينة هو فيلادلفيا إيگلز، وهو فريق عندو شعبية كبيرة فالمدينة.

وبالإضافة لكرة القدم الأمريكية، كاينين رياضات شعبية اخرين بفيلادلفيا، بحال البيسبول وكرة السلة والهوكي وحتى هما عندهم اندية وكايمثلو الولاية، عكس كرة القدم اللي ما عندهاش شعبية كبيرة.

فيلادلفيا هي بحال گاع مدن الولايات المتحدة الأمريكية، فيها الرياضة والترفيه، وفيها الاندية والأماكن المخصصة للمواطنين الأمريكيين باش يدوزو الوقت هما وولادهم، وباش حتى هما يفرغو الطاقات ديالهم.

وكاينين الاندية هنا بفيلاديلفيا بزاف ومتوفرة لجميع السكان وببنية تحتية واعرة بزاف، والميريكان واه بلد يحتذى به من ناحية البنية التحتية الرياضية واخا كرة القدم ما عندهاش شعبية، ولكن رياضات اخرى راه عندها شعبية وماليها موجودين بزاف.