كود -تافراوت ///

البارح الاحد تم إسدال الستار على النسخة 16 من فيستفال تيفاوين فتافراوت جوهرة الأطلس الصغير.

هاد النسخة من تيفاوين لي تنظمات فجوج جماعات أملن وتافراوت عرفات تحطيم رقم قياسي فعدد الحضور حيث السهرة ديال ليلة السبت لي كان فيها امغران و زكرياء الغافولي حضرها كثر من 30 الف شخص وهو روكور ف تيفاوين .

وحسب مصدر من اللجنة المنظمة لكود فعدد الحضور فسهرة الاحد لي حيحات فيها المجموعة الأسطورية اودادن و الفنان زهير بهاوي لي قال انه منحدر من منطقة الأطلس الصغير فنفس السهرة تجاوز 30 الف شخص.

وللإشارة فمهرجان تيفاوين لي كايتنظم فتافراوت كل سنة عرف تنظيم العديد من الأنشطة الثقافية والأدبية و الفنية ماشي غير السهرات بوحدهوم وهادشي كايكرس اهتمام المنظمين بالثقافة الأمازيغية والموروث الثقافي اللامادي للمنطقة واعتزاز تافراوت بولادها المهاجرين لي كايتعتابرو من انجح الشخصيات فبلادنا خصوصا فمجال المال والأعمال وهادشي كيأكدو التفوق ديال ولاد تافراوت والمناطق المجاورة فالتجارة فالمغرب حسب مصدر هضرات معاه گود على هامش تيفاوين.