وكالات//

دقو بزاف ديال العلماء لي تابعين لمنظمة الصحة العالمية ناقوس الخطر، على ود واحد المتحور جديد ديال فيروس خطير سميتو جدري القرود (MPXV).

على حساب ما نقلات بزاف ديال التقارير الدولية، فالخطير فهادشي أنه بان ونتاشر وتحور فواحد البلاد فقيرة ولي فيها اكتظاظ سكاني كبير لي هي الكونغو الديموقراطية، وهو الشي لي يقدر يزيد من خطر الانتشار ديالو.

في اليامات القليلة لي فاتت قالت السلطات الصحية في البلاد أنها كتاشفات أكثر من 100 حالة في دقة وحدة، فواحد المنجم ديال الذهب في البلاد، وقيكولو أن العدد مرشح بزاف انه يتزاد، وحتى انهم كيقولو ان الرقم الحقيقي يقدر يكون اكبر بكثير.

هاد المتحور الجديد سميتو 1 MPXV وكيقولو أنه أكثر فتكا يعني كيقتل بزاف وتقدر توصل النسبة لي كيقتل فيها لـ10 في المية من الناس لي تصابو بيه.

وهادي عامين كان نتاشر الفيروس بأكثر من 100 دولة، وقتل المئات من الأشخاص من بيهم 58 واحد في ميريكان.