وكالات//
كيعيشو الناس لي خدامين فمجال الخيول في فرنسا واحد الحالة من الرعب حقيقية بسب واحد المرض ضرب ليهم الخيول ديالهم.
ودقات بزاف ديال التقارير ناقوس الخطر بخصوص واحد الفيروس سميتو “الرينوبنومونيا ” كينتاشر بين الخيول وكيهددهم بالموت.
على حساب مقالت بزاف ديال الجورنالات فهاد الفيروس مكيهددش غير حياة الخيول بوحدها بل حتى القطاع ديال الفروسية في فرنسا، لي هو من بين أهم القطاعات الرياضية في البلاد.
هاد المرض هو من نوع HVE1 وHVE4، وكيفتك بالصحة ديال الخيول، والخطير في الأمر أكثر هو أنه كينتاشر بواحد السرعة خارقة.
