الرئيسية > آش واقع > فيروس كورونا.. الطلبة اللي جابوهوم من ووهان غادي يخرجو من الحجر الصحي ويغادرو السبيطار غدا
21/02/2020 19:30 آش واقع

فيروس كورونا.. الطلبة اللي جابوهوم من ووهان غادي يخرجو من الحجر الصحي ويغادرو السبيطار غدا

فيروس كورونا.. الطلبة اللي جابوهوم من ووهان غادي يخرجو من الحجر الصحي ويغادرو السبيطار غدا

عفراء علوي محمدي- كود//

اعلنات وزارة الصحة بللي غدي يتم رفع الحجر الصحي على الطلبة المغاربة القادمين من مدينة “ووهان” الشينوية، واللي كاينين بمستشفى سيدي سعيد بمدينة مكناس، غدا السبت 22 فبراير 2020، فالثمنية ونص ديال الصباح.

وللإشارة، فكانوا الطلبة المغاربة اللي كيدرسو فجامعة ووهان فالشينوا رجعو، هذي جوج أسابيعد فطيارة خصصاتها “لارام” باش تنقلهم، بتعليمات من الملك محمد السادس، بسبب خوفهم من فيروس “كورونا” اللي انتشر فالمدينة بشكل كبير، وقتل القليلة واحد 300 واحد من سكانها.

وتم إخضاع الطلبة للحجر الصحي لمدة 20 يوم فكل من المستشفى العسكري بالرباط، وكذلك مستشفى سيدي سعيد فمكناس، وتشخيص حالتهم الصحية.

وكانت الوزارة علنات بللي جميع الطلبة اللي رجعو من الشينوا بصحة جيدة، وبللي مامقيوصينش فالفيروس القاتل.

موضوعات أخرى

09/04/2020 19:57

حصيلة كورونا فالعالم هذ النهار: ميريكان تجاوزات 22 ألف إصابة اليوم وسبقات سبانيا فالوفيات وفرانسا باطات الركور وسجلات 1341 وفاة ف24 ساعة والإصابات فبريطانيا وتركيا كيرتفع