وكالات//

قالت السلطات الصحية ديال ولاية ألاسكا الميريكانية، أن أول راجل تصاب بفيروس “جدري ألاسكا”، مات ف السبيطار.

وعلى حساب ماقالت الصحافة الميريكانية فهاد الراجل علنو غير شي يامات قليلة هادي أنه تصاب بالفيروس، وهو راجل كبير ف العمر.

الراجل لي مات كان كيعيش فواحد الجزيرة صغيرة سميتها كيناي، وكان مريض بالسرطان والمناعة ديالو تضررات بزاف بسباب الدوا لي كانو كيعطيوه.

على حساب ماقالو الأطباء فهاد الفيروس الجديد لي معروف طبيا بـ AKPV لي اكتاشفوه كيجي من البقر، وكيضرب المناعة ديال البشر.

من الأعراض ديالو هو تضخم الغدد اللمفاوية والتهاب المفاصل وحكة وحبوب ف الجلد.