وكالات//

ماتو 6 ديال الناس فحادثة مروعة من بعد ما تحطمت هليكوبتر فـ نهر هدسون فمدينة نيويورك الأمريكية، نهار الخميس من بعد الظهر.

وبارطاجاو بزاف ديال الناس فمواقع التواصل الاجتماعي فيديوهات  كتوثق للحظة لي طاحت فيها الهيليكوبتير فالما، و بانوا أجزاء الطيارة وهي كتقسم قبل ما تغرق.

على حساب ماقالات تقارير أولية، الطيارة كان فيها 6 ديال الناس، هما عائلة مكونة من 5 أفراد، رجل وامرأة و3 ديال الدراري الصغار، وزيد عليهم البيلوط اللي كان هو الشخص السادس.

وقالت إدارة الطيران الفيدرالية باللي الطيارة من نوع (Bell 206)، وقلعات من مهبط مروحيات فوسط مانهاتن فـ الساعة 2:59 بعد الظهر، ومن بعد اختفت عن الرادار فـ الساعة 3:25 مساءً.

++