وكالات//

فمشهد اللي صعيب يتصدق، الرئيس الفرنسي إيمانويل ماكرون خدا تصرفيقة من مراتو بريجيت، ف لحظة غريبة قدام باب الطيارة الرئاسية، منين وصلو نهار الحد لفيتنام، ف بداية جولة ديالهم لجنوب شرق آسيا.

جريدة “ذا صن” البريطانية نشرت لقطات تصوراتو ف الليل، نهار الأحد، ف مطار هانوي، باين فيهم باب الطيارة محلول، وماكرون واقف لداخل، كيشوف فمراتو بنظرة فيها شوية الصرامة.

https://x.com/kassem1271833/status/1926924296510726445

وف ظرف ثواني، بانو يدين بريجيت مرفوعين ناحيت وجه ماكرون، وكأنها ضرباتو “بضربة خفيفة”.

الرئيس بان عليه الصدمة، لكن ف نفس اللحظة لاحظ أن الأبواب محلولين، ودار وجهو بسرعة وبدا كيسلم على الكاميرات اللي لتحت ف السلالم، بحال اللي كيحاول يدير راسو ما وقع والو، ومن بعد خرجو بجوج من الطيارة، وهبطو الدروج، وماكرون مد يدو لمراتو.