وكالات//

المغنية الكولومبية شاكيرا نشرات فيديو مؤثر على حسابها في الأنستكَرام وهي في زيارة للأب ديالها لي عمرو 91 عام وناعس في السبيطار جوج ديال السيمانات كيدير في الترويض الطبي.

ونشرات شاكيرا الفيديو بانت فيه كتعاون باها باش يحرك رجليه وهو جالس على كرسي طبي، ومني سالات باست ليه رجليه وعنقاتها.

الفيديو ديال شاكيرا قدر أنه يحصد من بعد 24 ساعة من النشر ديالو 24 مليون و500 ألف مشاهدة، وجوج ديال المليون و700 ألف إعجاب.

شاكيرا قالت أنها واخة تفارقت مع جيرارد بيكيه ولكن هاد الأخير مشا يشوف باها في السبيطار.

https://www.instagram.com/reel/CkZl8Ldj54t/?utm_source=ig_embed&ig_rid=1914e205-5b17-4e36-a274-138ceed438dd

https://www.instagram.com/p/CfzFQVdMu-f/?utm_source=ig_embed&ig_rid=7cc55a8f-5962-4574-a119-d2640ae01ab9