وكالات//

طفلة صغيرة عندها غير عام واحد، فلتات من الموت وحتى من الإصابة، ملي تصدمات من اللور فطوموبيلة صغيرة ديال الألعاب اللي كانت سايقاها فزنقة من زناقي مدينة مرسين التركية، بشكل مفاجئ.

فيديو وثق لحظة الحادثة بطريقة مروعة وغريبة، حيث كانت الطفلة راكبة فسيارتها اللي خدامة بالباطري وكتمشى وسط الزنقة، حتى جات واحد الطوموبيل وبدات كتدور حتى ضرباتها.

ومن حسن الحظ، الطفلة كانت لابسة لاكوردي (حزام السلامة)، وهكا ما طارتش ولا تصدمات بالكيدون ديال طوموبيلتها.

باها خرج وعاود تفاصيل الواقعة، بعدما تعرض لوابل ديال الانتقادات فمواقع التواصل، حيث الفيديو دار البوز فكامل تركيا.