وكالات//

بارطاجاو بزاف ديال الناس في العالم كامل، واحد الفيديو، على السوشيال ميديا كيبين واحد الطوموبيلة كتمشي بوحدها، ذاتية القيادة، وهي غادية في الشارع واخا شاعلة فيها العافية.

هادشي وقع فواحد من شوارع الهند، فين كتمشي الطوموبيل وهي شاعلة فيها العافية، ودارت حالة ديال الرعب في هذاك الشارع.

وكيبان في الفيديو اللحظة لي دخلات فيها الطوموبيلة وهي شاعلة فيها العافية في شارع فيه الزحام، قبل ماتدخل فواحد الحاجز وهي توقف.

وكتقول بعض التقارير الصحفية في الهند، إن المشكل في الكليماتيزور هو لي خلا العافية تشعل فيها.