وكالات//

شعل حريق كبير فـ برج “تشيناكيم” اللي كاين فـ منطقة سنترال فهونغ كونغ، وخلّى عشرات الناس يهربو، وتهزو أربعة أشخاص للسبيطار.

السلطات طلعات درجة الإنذار للدرجة الثالثة بعد وقت قصير من اندلاع العافية فـ السقالة اللي برا البناية اللي كاينة فـ شارع “كونوت سنترال”، حوالي الربعة والنص دالعشية نهار السبت، حسب ما قالت وسائل إعلام محلية.

العافية طلّعات دخان بزاف وسدّات شحال من طريق رئيسي، بحال “كونوت رود” و”دي فو سنترال”، وهاد الشي أثّر حتى على الترام والقطارات فالمنطقة.

تَصَابو اربعة ديال الناس، منهم راجل كان عالق فالمصعد. تنقل واحد عندو جرح فالرّاس، وجوج رجال وامرأة تأثرو بالدخان وداوهم للسبيطار.

وحسب التقارير، جوج منهم حالتهم خطيرة بسبب صعوبات فالتنفس، بينما الزوج الآخرين حالتهم مستقرة.