وكالات//

هزو 3 ديال الدراري صغار للسبيطار في حالة خطيرة بزاف، بعدما ضرباتهم صاعقة وهوما كيلعبو فواحد البحر فالشمال الشرقي ديال بحر الكاريبي.

وبان فواحد الفيديو تبارطاجا بزاف على السوشيال ميديا اللحظة لي طاحو فيها 3 ديال الدراري الصغار عمرهم بين 7 و12 عام، فدقة وحدة فين ضربهم واحد البرق.

https://www.instagram.com/reel/C7hAxI6Kq8t/?utm_source=ig_embed&ig_rid=bc03bd66-5768-4d9b-9570-0275e36aba66

وحاولو السكان ووحدين من العائلة ديالهم أنهم يعتقوهوم ويديرو ليهم التنفس الاصطناعي ولكن مقدروش يفيقو حتى جاو الإسعاف وداوهوم للسبيطار.

السلطات ديال المدينة كتقول أن الحالة ديالهم خطيرة، ولكن لحد الآن مزال ماعطاتش حتى جديد على طبيعة الإصابات لي فيهم.