وكالات//

مات واحد الشخص وتصابو 5 خرين نهار الاثنين بعدما تفرگع سقف واحد اليخت في مرسى فلودريدا في ميريكان.

ونشر موقع “نيويورك بوست” فيديو كيخلع كيبين اللحظة لي تفرگع فيها الباطو وشعلات فيه العافية في مارينا لودرديل، في الوقت لي كانو فيه الناس كيشوفو فيه الواقعة.

وكيبان في الفيديو اللحظة لي طار فيها السقف للسما بسبب التفرگيع قبل ماينزل.  لبحر.

ونقل الموقع تصريحات من شهود عيان قالو إنهم شافو اليخت وهو كيتزود بالمازوط قبل ميتفركع.