وكالات//
عرفات مدينة ميامي واحد الحادثة اللي دارت البوز فمواقع التواصل الاجتماعي، من بعد ما اضطر الحارس الشخصي ديال إيفانكا ترامب يتدخل بعنف باش يبعد واحد الراجل اللي قرب بطريقة مشبوهة من بنت الرئيس الأمريكي وراجلها جاريد كوشنر، بعدما حضرو واحد الحفلة خاصة ليلة السبت.
واحد الفيديو اللي كيدور فـ”تيك توك” بيّن اللحظة اللي خرجات فيها إيفانكا، اللي عندها 43 عام، من قاعة “كاربون بيتش” الفخمة مع راجلها، وكانو غاديين للطموبيلة اللي كانت كاتسناهم، حتى قرب منهم راجل ما معروفش كيشد فـ شي دوسي.
وبينما بان بحال إلى باغي يتسلل، تدخل واحد من رجال الأمن ووقف بينو وبين الزوجين ودفعو باش يبعدو، ولكن الموقف تزاد توتراً ملي ضرب الراجل الحارس بكف، وهنا الحارس زاد دفعو بقوة فصدره، وطيحو بعيد على الكاميرا.
الفيديو بيّن أن الزوجين كانو متوترين، حيث شافو شنو وقع ورجعو يتبعو بعينيهم قبل ما يركبو فالطووبيلة.
موضوعات أخرى
رادار شد بطّة كتطير بسرعة… سويسرا سجلات أغرب مخالفة مرورية
فضيحة كبيرة قربلات العراق.. شدو 27 راجل وامراة كيتبادلو بعضياتهم
