وكالات//

خرج واحد الفيديو جديد ديال الكسيدة الخطيرة لي وقعات بداية هاد السيمانة فميريكان، ولي طاحت فيها طيارة خاصة فوق طوموبيلة فلوطوروت.

ونشر الموقع ديال “دايلي ميل” البريطاني، واحد الفيديو جديد، صوراتو الكاميرا ديال واحد الطوموبيلة كانت ف لوطوروت، وكتبين اللحظة لي طاحت فيها الطيارة وسط الطريق.

التحقيقات لي تدارت على الكسيدة الخطيرة والنادرة بزاف كتقول أن 2 بيلوطات ديال الطيارة ماتو، و3 من الركاب لي كانو فلتو منها بمعجزة.

وكتقول كذلك، أن السبب ديال الكسيدة هي أن الماطر بجوج ديال الطيارة وقع فيهم شي مشكل بعد دقائق قليلة من الإقلاع.