وكالات//

بانت الأميرة ديال بريطانيا، كيت ميدلتون، مرات الأمير وييليام، ففيديو جديد دارت بوم ف النكليز.

كيجي هادشي وسط واحد الروينة كبيرة منوضاها ف البلاد بسباب الغموض لي دايرا على الحالة الصحية ديالها، والشائعات لي تزادت ولي كتقول كاع أنها ماتت.

بزاف ديال الجورنالات النكليزية المشهورة والمعروفة بحال “د الصن” نشرو البارح واحد الصورة جديدة ديالها وكتبان كتضحك وهي كتتمشى مع راجلها الأمير ويليام.

كتقول الصحافة ديال النكليز أن هاد الصورة فين كانو كيدورو فواحد السوق فواحد القرية صغيرة سميتها ويندسور، قريبة من الدار ديالهم لي عندهم ف العروبية.