كود سبور//
شدو البوليس ديال الشيلي النجم السابق البارصا ومنتخب الشيلي أرتورو فيدال، بسبب تهمة اعتداء جنسي.
وكشف موقع T13 الشيلي، أن مكتب المدعي العام بمنطقة أورينتي فتح تحقيق فشكاية ضد أرتورو فيدال لاعب كولو كولو الشيلي بتهمة الاعتداء الجنسي المزعوم على امرأة فشي بار.
ووضح نفس المصدر أنه خلال الساعات الأولى من يوم الاثنين، داو البوليس أرتورو فيدال، إلى للبوسط بمنطقة فيتاكورا، بعدما شارك فشي احتفال مع صحابو اللاعبين فشي بواط دو نوي، وكانو محتافلين بعيد ميلاد اللاعبين معهم فالفريق لوكاس سيبيدا وفيسنتي بيزارو.
وضحت نفس المصادر أن بنت عندها 22 عام، لقاتها ختها فالبواط وكانت غاتخدر وهي تخرج تجري علمت شي دورية ديال البوليس كانت قريبة ودارت شكاية، وجاو داو أرتورو فيدال.
نفس المصدر زاد وضح وقال أنه الشكاية اللي كاينة هي بخصوص جريمة عندها طابع جنسي كانت غاتعرض لها امرأة بالغة فبواط دونوي.
