الرئيسية > آش واقع > فوقت صعيب والأزمة كبيرة مع الجزائر لي بغات تضرب المغرب بقضية فلسطين..استعدادات لإنجاح سفر الوفد البرلماني المغربي للجزائر ومصدر لـ”كود”: غايكون لقاء مع الخارجية قبل السفر والرباط عضو قوي فمنظمة التعاون الاسلامي
23/01/2023 11:30 آش واقع

فوقت صعيب والأزمة كبيرة مع الجزائر لي بغات تضرب المغرب بقضية فلسطين..استعدادات لإنجاح سفر الوفد البرلماني المغربي للجزائر ومصدر لـ”كود”: غايكون لقاء مع الخارجية قبل السفر والرباط عضو قوي فمنظمة التعاون الاسلامي

فوقت صعيب والأزمة كبيرة مع الجزائر لي بغات تضرب المغرب بقضية فلسطين..استعدادات لإنجاح سفر الوفد البرلماني المغربي للجزائر ومصدر لـ”كود”: غايكون لقاء مع الخارجية قبل السفر والرباط عضو قوي فمنظمة التعاون الاسلامي

كود الرباط//

علمت “كود” من مصدر مطلع أن الوفد البرلماني المغربي لي غايشارك في الدورة الـ17 لمجالس الدول الأعضاء في منظمة التعاون الإسلامي بالجزائر، غايمشي  غدا الثلاثاء 24 يناير عبر مطار كازا بطيارة فرنسية، كيستعد باش تكون المشاركة ديال ناجحة وتفادي الاستفزازات الجزائرية.

الوفد البرلماني المكون من 6 برلمانيين (3 فمجلس النواب و3 فمجلس المستشارين) غايكون مرافق بحمد اوزين عضو بمكتب النواب وامين حزب الحركة الشعبية.

وحسب مصدر “كود” فإن الوفد البرلماني لي غايكون معه فريق إداري، غايتلاقا مع مسؤولين بوزارة الخارجية اليوم، لوضع النقط على الحروف وخريطة طريق المشاركة.

المغرب لي كيترأس لجنة القدس (اللجنة عضو فمنظمة التعاون الاسلامي) عندو مكانة خاصة داخل هاد هاد المنظمة، واخا الجزائر كتحاول تحفر ليه وتولي هي تزعم الدفاع عن القضية الفلسطينية.

كاينا مخاوف تخلط من جديد الجزائر بين قضية فلسطين وقضية الصحراء، خصوصا وأن اخير تصريح للرئيس الجزائري عبد المجيد تبون، أكد بلي جوج قضايا مهم فالدبلوماسية الجزائرية الأولى فلسطين والثانية قضية الصحراء.

يشار بلي وافق البرلمان المغربي بغرفتيه، وافق يشارك في الدورة الـ17 لمجالس الدول الأعضاء في منظمة التعاون الإسلامي، لي غاتكون منظمة فالجزائر، باش ما يخلي الكرسي الفارغ واخا الحدود الجوية مسدودة بين البلدين.

“كود” حصلت على وثيقة تؤكد بأن الوفد المغرب غايمشي فطيارة فرنسية وغايمشي لفرنسا عاد يتوجه نحو الجزائر.

رشيد الطالبي العلمي رئيس مجلس النواب توصل بدعوة للمشاركة، وبعدما تشاور مع السلطات المعنية بكل ما هو دبلوماسي، وافق على قبول دعوة المشاركة فهاد التظاهرة اللي كتنظمها منظمة التعاون الاسلامي، لي فيها تركيا وايران والسعودية وغيرها من الدول الافريقية والعربية.

التظاهرة ديال منظمة التعاون التسلامي غاتكون ما بين 26 يناير و 31 يناير الجاري، بمشاركة الوفد المغربي لي فيه ممثلي عن أحزاب في الشعب داخل مجلسي النواب والمستشارين.

دبا اللي كاين هو ان المغرب رفض سياسة المقعد الفارغ واخا منظمة التعاون الاسلامي باغي يتحكم فيها محور الممانعة أو المحور ديال ايران وتركيا والدزاير، فالمقابل يضربو محور التطبيع مع اسرائيل بقيادة المغرب والامارات وبصورة أقل السعودية.

هاد التظاهرة واخا معندها تا معنى سوى كثرة البلاغات والهضرة، ولكن الرباط بغات تحافظ على مكانتها القوية في علاقاتها مع باقي الدول الافريقية والعربية خصوصا فيما يتعلق بالتعامل مع القضية الفلسطينية.

موضوعات أخرى

07/02/2023 01:00

كان عندها 1000 ديال العبيد..عائلة بريطانية اعتاذرات من الأفارقة وتبرعات بفلوس صحيحة

07/02/2023 00:00

الحماية القانونية للفئات الهشة.. اكثر من 29 ألف شخص تابعاتهم النيابات العامة عام 2022 بسبب العنف ضد العيالات و87 قضية تسجلات على الاتجار فالبشر

06/02/2023 22:30

زواج القاصرات فبلادنا.. النيابات العامة رفضات 6445 طلب عام 2022 واكثر من 36 ألف بنت رجعات تقرا عوض تتزوج

06/02/2023 22:21

لقجع رسل أطباء هزو الخطيب رئيس الأهلي للسبيطار حيث مرض والفريق المصري كيشكر فيه هو والمغاربة

06/02/2023 22:20

طلبات تسليم المجرمين.. النيابة العامة سجلات 74 طلب عام 2022 والغرفة الجنائية بمحكمة النقض وافقات على 30 فيهم