الرئيسية > آش واقع > فوضى فجمعية الأعمال الاجتماعية لموظفي مجلس المستشارين.. الكاتبة العامة انقلبت على رئيسها وتمسكات بتنظيم الجمع العام فوقتو
01/03/2024 13:00 آش واقع

فوضى فجمعية الأعمال الاجتماعية لموظفي مجلس المستشارين.. الكاتبة العامة انقلبت على رئيسها وتمسكات بتنظيم الجمع العام فوقتو

فوضى فجمعية الأعمال الاجتماعية لموظفي مجلس المستشارين.. الكاتبة العامة انقلبت على رئيسها وتمسكات بتنظيم الجمع العام فوقتو

كود الرباط//

كما كان منتظرا، الأطراف المتصارعة على المليار ونصف بمجلس المستشارين، وصل لدرجة  الحديث عن إمكانية اللجوء للقضاء، بعدما صدرو بيانات من رئيس جمعية الأعمال الاجتماعية، وكذا الكاتبة العامة لنفس الجمعية فيها تبادل الاتهامات وكل واحد فيهم كيقول على الآخر نتا ماشي قانوني وخارج ضوابط القانون.

الكاتبة العامة لجمعية الأعمال الاجتماعية لموظفي المجلس صدرات “بيان توضيحي” كتهدد به رئيس الجمعية باللجوء للقضاء وعرض ميزانية الجمعية لخمس سنوات الماضية للافتخاص.

الكاتبة العامة دعت للجمع العام لانتخاب مكتب جمعية الأعمال الاجتماعية يوم الخميس 14 مارس 2024، هادشي لي دفع برئيس جمعية الأعمال الاجتماعية يدير بيان ويعتبر هاد الدعوة للجمع غير شرعية وصادرة عن أيادي معندهاش الصفة.

مصادر “گود” وضحات بلي المشكل هو أن ممثلي الموظفين دابزو بيناتهوم على شكون يكون فمكتب الودادية السكنية باش يدبر المليار ونصف، وهاد الشي علاش ناضو شي وحدين منهم، مدعومين بالنقابة ديال الموظفين اللي كيرأسها واحد الموظف (كتروج عليه شبهة موظف شبح)، واللي ما بقاتش قانونية هادي سنين بحكم أنها ما عقداتش جمعها العام، باش يديرو جمع عام ديال جمعية الأعمال الاجتماعية اللي حتا هي مابقاتش قانونية هادي سنوات حيث مادارتش الجمع العام ديالها.

موضوعات أخرى