الرئيسية > آش واقع > فوضى التحليلات بالقنيطرة.. “باك صاحبي” فالترخيص لمختبر.. ومصدر لـ”كود”: نتيجة تيست كورونا كتخرج بعد 10 ايام حتى كيعادي المصاب المئات من المواطنين
17/11/2020 15:30 آش واقع

فوضى التحليلات بالقنيطرة.. “باك صاحبي” فالترخيص لمختبر.. ومصدر لـ”كود”: نتيجة تيست كورونا كتخرج بعد 10 ايام حتى كيعادي المصاب المئات من المواطنين

فوضى التحليلات بالقنيطرة.. “باك صاحبي” فالترخيص لمختبر.. ومصدر لـ”كود”: نتيجة تيست كورونا كتخرج بعد 10 ايام حتى كيعادي المصاب المئات من المواطنين

كود الرباط//

فوضى تحليلات الكشف عن فيروس كورونا في اقليم القنيطرة، كشف على فوضى كبيرة في تدبير وزارة الصحة لهاد الملف.

فبعد فضيحة مختبر حي الرياض بالرباط لي كيدير تيست بلا ترخيص وبلا خبار حد، فإن اليوم القنيطرة كتعرف الفوضى ف تدبير التحليلات.

وقالت مصادر محلية لـ”كود” :قنيطرة اقليم كبير بزاف ورغم ذلك فيه مختبر واحد وهادشي علاش كاينا الفوضى”، مضيفة :”المواطنين كيتسناو من 6 أيام تال 10 ايام باش عاد يتوصل بنتيجة التحاليل لي دارو وعادشي لي كيزيد فالاصابات”.

وتابعت نفس المصادر “كيف يعقل اقليم القنيطره و لي كيتعتبر قطب صناعي فجهه الرباط سلا القنيطرة عاطين الترخيض لمختبر طبي واحد”، موضحة :”ناس كيجيو من الدَواوير المجاوره باش يقدو يديرو التيست،هدا زيادة على الزحام لي ديما كاين حدا باب المختبر”.

بالإضافة لهادشي بعض المصادر كتقول بلي هاد المختبر خدا الترخيص عن طريق باك صاحبي، في الوقت لي خاص يكونو مختبرات آخرين.

هادشي يؤكد حسب مصادر “كود”، فشل وزير الصحة الحالي في تدبير ملف الجائحة.

موضوعات أخرى

04/12/2020 23:21

رحال وحد التريتورا فالداخلة فهاد الوقت لي كيعيش فيه القطاع أزمة خايبة بزاف بسبب تداعيات (كورونا) وقطع وعد بالاحتفاء بالمطبخ المغربي الصحراوي

04/12/2020 22:19

الشرعي عبر ال موندو كيعطي الدروس لراديكاليي السياسة الاسبانية. المغرب واسبانيا عندهوم علاقات قوية بغض النظر على شكون عندو الاغلبية

04/12/2020 21:30

الأمم المتحدة غادي تنظم محاكمة صورية على جريمة الاتجار بالبشر.. والدخيسي يؤكد فطنجة الأهمية اللي كيعطيها المغرب لمكافحة هاد الظاهرة