كود سبور//

معول المغرب ينافس على احتضان نهائي كاس العالم 2023، حتى لآخر نفس، وهي البطولة اللي ربحت المملكة المغربية شرف تنظيمها مع إسبانيا والبرتغال، ومازال تنافس على احتضان الفينال ديالها مع إسبانيا.

وخلال كلمة لها اليوم الاربعاء على هامش حدث World Football Summit فالرباط، قال فوزي لقجع رئيس الجامعة الملكية المغربية لكرة القدم: نتمناو البلدان الثلاثة المنظمين لكاس العالم 2030 التألق فهاد النسخة والمغرب وإسبانيا يوصلو الفينال، ونتمناو النهائي يتلعب فالدار البيضاء فتيران الحسن الثاني الكبير”.

ومازال ما تحسم فالتيران اللي غايتلعب فيه كاس العالم 2030، وسط تنافس قوي بين المغرب واسبانيا على احتضان هذا النهائي، مع العلم ان المغرب مرشح بملعب الحسن الثاني الكبير اللي غايكون اكبر تيران فالعالم بطاقة استعابية تقدر حوالي  111 الف متفرج، وإسبانيا باغيين ينظمو فتيران سانتياگو بيرانبيو فعاصمتهم مدريد.