كود – كازا ///

صنف تقرير ديال مجلة فوربس الأمريكية ، 4 ديال الشركات المغربية من بين أقوى 100 شركة ف الشرق الأوسط، ويتعلق الأمر ب 3 مجموعات ف قطاع البنوك والخدمات المالية وواحدة في الاتصالات، حيث تصدرت “مجموعة التجاري وفا بنك” لاليست ديال التصنيف على المستوى المغربي.

وحسب التقرير ذاته، جات مجموعة التجاري وفا بنك ف المركز 24 بقيمة سوقية كتبلغ 8.6 مليار دولار ورقم معاملات ديال 4.5 مليار دولار، ثم حل “البنك الشعبي المركزي” ف المرتبة 42 بقيمة سوقية بلغت 4.6 مليار دولار ورقم معاملات ديال 2.8 مليار دولار.

وحسب معطيات مجلة فوربس، جات “اتصالات المغرب” ف المرتبة 52 فهاذ التصنيف، بقيمة سوقية 7.1 مليار دولار ورقم معاملات ديال 3.5 مليار دولار، بينما حل “بنك أفريكا” ديال بنحلون ف المرتبة 53 بقيمة سوقية 3.4 مليار دولار ورقم مبيعات ديال 2.2 مليار دولار.