وكالات//

تفاجئو سكان واحد الحومة قريبة من مدينة خليج جوردون، حدا كيب تاون فجنوب إفريقيا، صباح الثلاثاء، منين شافو فقمة كبيرة كدور بشوية ف الزناقي، فمشهد نادر خلّى الناس يوقفو حائرين ومندهشين.

https://web.facebook.com/reel/632912786436114

هاد الفقمة، اللي تقريبا الوزن ديالها جوج طن، وصفوها فجمعية الرفق بالحيوان بلي راه ذكر باقي صغير، تشافت كتدوز بين الطرقان وكتقرب من الطوموبيلات، حتى سدات راسها على قدّام واحد الطوموبيل، وبغات تطلع على وحدة خرا، ولكن زلقت وكملت الطريق ديالها حتى وصلت لقرب واحد المركز التجاري.

البوليس ومعاهم شركة ديال السيكيريتي حاولو يحيطو بالحيوان الكبير باستعمال سيارات الدوريات، وفنفس الوقت بزاف ديال الناس صورو الفيديوهات وبداو كيتشاركوها فوسائل التواصل الاجتماعي. وحتى شي مرا كانت كتهضر فالڤيديو وقالت باستغراب: “مرحبا خويا، كيفاش وصلتي لهنا؟”