الرئيسية > تبركيك > فهم تسطى.. كوبل دعاو ولدهم ومراتو حيت ما بغاوش يولدو ليهم حفيد!
14/05/2022 00:00 تبركيك

فهم تسطى.. كوبل دعاو ولدهم ومراتو حيت ما بغاوش يولدو ليهم حفيد!

فهم تسطى.. كوبل دعاو ولدهم ومراتو حيت ما بغاوش يولدو ليهم حفيد!

وكالات //

كوبل هندي في ولاية أوتارانتشال، شمال الهند ناضو دعاو ولدهم “Shrey Sagar” ومراتو “Shubhangi” لأنهم تعطلو باش يولدو ويجيبو ليهم حفيد من بعد 6 سنين ديال الزواج.

الكوبل، “Sajneev” و “Sadhana Prasad” اللي غارق وشابع ثقافة ذكورية زائد الخرافة والزلط اللي سائد فمجتمعهم، قالو أنه خلصو فلوس على ولدهم باش يقرا الطيران ودارو ليه عرس أسطوري وصيفطوه هو وعروستو على حسابهم يدوزو شهر العسل فتايلاند، ودبا كيطالبو بتعويض ديال 650 ألف دولار على المعاناة النفسية واللي تسبب ليهم فيها ولدهم ومراتو حيت “ماولدوش ليهم حفيد فمقابل تضحايتهم”.

الوالدين قدمو للمحكمة المدنية فالهند كَاع تفاصيل المصاريف اللي خسروها على ولدهم من نهار بدا القراية حتى لنهار زواجو وحتى من بعد مع العروسة، ولكن الكوبل الشاب ما بغاوش يحققو ليهم حلمهم ويجيبو ليهم حفيد يونسهم بعد التقاعد.

موضوعات أخرى

25/05/2022 15:30

فعاليات امازيغية: الترجمة بالامازيغية فمجلس النواب خطوة مهمة والطالبي تفاعل مع الملاحظات لي عطيناه باش تكون الجودة فالترجمة

25/05/2022 15:20

المجلس الاقتصادي والاجتماعي والبيئي: خاص إعداد قانون إطار يتعلق بالاقتصاد الدائري وفرض ضرائب على الملوثات بحال البلاستيك

25/05/2022 14:40

1,6 مليون فلاح غيستافدو من التأمين الإجباري على المرض فهاد المرحلة.. الوزير صديقي: السجل الفلاحي غادي يمكن من تسريع وثيرة الحماية الاجتماعية