الرئيسية > كود-تيفي > فهم تسطا.. الرابور إلكَراندي طوطو كيدخل ويخرج فالهضرة على الفيزا د فرانسا: مادفعتش الوراق وشكرا للقنصل اللي تدخل! – فيديو
13/08/2022 14:00 كود-تيفي

فهم تسطا.. الرابور إلكَراندي طوطو كيدخل ويخرج فالهضرة على الفيزا د فرانسا: مادفعتش الوراق وشكرا للقنصل اللي تدخل! – فيديو

فهم تسطا.. الرابور إلكَراندي طوطو كيدخل ويخرج فالهضرة على الفيزا د فرانسا: مادفعتش الوراق وشكرا للقنصل اللي تدخل! – فيديو

نجوى المالحي – كود //

الرابور المغربي إلكَراندي طوطو مفضي مع راسو وكيكوي ويبخ غير بوحدو. هاد السيمانة خرج فستوري قال فيه أن الكونصير ديالو ففرانسا ماغاديش يديرو حيت الفيزا ماكيناش والبارح خرج ففيديو كينكَر فيه على بنادم اللي دوا على الخبار.

طه قال أنه عمرو اصلا مادفع الفيزا لفرانسا واخا هو عندو حفلة تما – فهم تسطا – وفنفس اللحظة قال ان القنصل الفرنسي تدخل وخرجو ليه الفيزا ودابا هاد صباح السبت شاد الطيارة وغادي لفرانسا.

https://www.instagram.com/reel/ChLKwdjp0iU/?igshid=YmMyMTA2M2Y=

الناس ماعجبهمش هاد البلان اللي دار الطوطو وبان بحالا لاح الخبار وخلاها تشعل فأنترنت ومن بعد دق البيبان وتعطاتو الفيزا باش الوقت تكالما، وهادشي خلا أكثر من 70% ديال الكومونطيرات تحت الفيديو اللي دار يكونو عبارة عن سبان.

طريقة هضرة طوطو خلات بنادم يبقى شاد فيه وكاين اللي طلعها عليه ديال بصح.

موضوعات أخرى

25/09/2022 13:30

واش الرئيس الكيني خوا بالمغرب فقضية الصحراء؟.. مصدر لـ”كود”: نيروبي غاتمشي مع الرباط وكاينا حرب دبلوماسية كبيرة ولقاءات مكثفة والاعلام المعادي كيدير المزايدات