وكالات//

علن التلفزيون الإيراني، العشية ديال الأحد، أن السلطات وقفات جوج ديال الأطباء ومسؤول تقني في سبيطار ديال العيون بالعاصمة طهران، وهادشي جا بعد إصابة 9 ديال الناس بالعمى في يوم واحد، بعدما دارو عمليات جراحية.

وقالت الصحافة في إيران، فنفس اليوم، بللي 9 ديال الناس جاهم العمى في يوم واحد في سبيطار “نكاه” طهران للعيون، بعدما دارو عملية يحيدو الجلال.

ودارت هاد القضية روينة كبيرة في البلاد وخلعات بزاف ديال الإيرانيين.

من جيهتو قال الجورنال ديال “فراز” الإلكترونية، أن هاد الناس جاهم التهاب شديد في العين، قبل مايمشي ليهم الشوف بشكل كامل.

التحقيقات الأولية، خلات السلطات يشدو جوج الأطباء ومسؤول تقني، وقالو إن هادشي جا بعدما تصابو هاد الناس بواحد البكتيريا سميتها (Pseudomonas aeruginosa).