كود سبور//

غايبدا البطل المغربي والأولمبي سفيان البقالي أمل المغرب فتحقيق ميدالية ذهبية فأولمبياد باريس2024، (غايبدا) المنافسات اليوم الاثنين ومعه 2 عدائين مغاربة أخرين.

وغايشارك البطل المغربي سفيان البقالي فسباق 3000 متر موانع اليوم الاثنين مع 6 العشية بتوقيت المغرب من أجل التأهل للدومي فينال، وغايشاركو 2 عدائين مغربيين آخرين فنفس السباق وكايتعلق الأمر بكل من محمد تيندوفت، وفايد مصطفى، وراه أول 5 عدائين فكل سباق من التصفيات كايتأهلو للدومي فينال.

وكايطمح سفيان البقالي بطل العالم وبطل أولمبياد طوكيو2020، للحفاظ على اللقب ديالو فأولمبياد باريس ولو أن المنافسة ما غاتكونش ساهلة أمام العدائين الإثيوبيين والكينيين اللي مجهدين فهاد الاختصاص.

للإشارة فالموعد اللي غايجري فيه سفيان البقالي ومحمد تيندوفت وفايد مصطفى، غايكون بادي فيه ماتش المنتخب المغربي والإسباني فدومي فينال كرة القدم.