كود سبور//

ناويين فنربخشة التركي، يستافدو من الدوليين المغربيين يوسف النصيري وسفيان أمرابط، ماليا باش يديرو ميركاتو صيفي مزيان ويبدلو الدم فالفريق بلاعبين جداد.

وكشفت جريدة “Türkiye Gazetesi” التركية، أن فنربخشة باغيين يدخلو من ورا صفقة يوسف النصيري وسفيان أمرابط شي لاعبين آخرين 60 مليون أورو، وأن النصيري جا فيه عرض القيمة ديالو 35 مليون أورو من النصر السعودي، مع العلم أنهم غايعطيو 10% من ثمن انتقال النصيري للفريق ديالو السابق إشبيلية الإسباني حسب ما اتفقو عليه إلى تباع العقد ديالو لشي فريق آخر .

ووضح نفس المصدر أن فنربخشة باغيين يشريو عقد سفيان أمرابط بشكل نهائي من فيورنتينا الطالياني بعدما لعب معهم إعارة هذا الموسم، مقابل حوالي 13 مليون أورو، ويقلبو البيع فالعقد ديالو مقابل 20 مليون أورو، وأن أندية أوروبية مهتمة باللاعب المغربي.