كود سبور//

حسم فنربخشة التركي صفقة الدولي المغربي يوسف النصيري، وغايمشي يلعب معهم ابتداء من الموسم الجاي.

وحسب الإعلامي الطالياني فابريسيو رومانو، المتخصص فانتقالات اللاعبين فأوروبا، فيوسف النصيري غايمشي لفنربخشة، بعدما تحسمت تفاصيل المفاوضات.

ووضح الإعلامي الطالياني على تطبيق “X” أن فنربخشة وافقو على الشروط الشخصية ديال يوسف النصيري وقطعو تذكرة الطيارة باش يمشي لتركيا يدير الفحص الطبي.

وأكد فابريسيو رومانو، أن إشبيلية الإسباني فريق يوسف النصيري غايخدو 20 مليون أورو، من ورا بيع العقد ديالو لفنربخشة.