الرئيسية > ميديا وثقافة > فنانين مصورين كيعاودو على حياتهم فالحجر الصحي فمعرض للصور
22/03/2021 10:00 ميديا وثقافة

فنانين مصورين كيعاودو على حياتهم فالحجر الصحي فمعرض للصور

فنانين مصورين كيعاودو على حياتهم فالحجر الصحي فمعرض للصور

كود كازا//

احتضن متحف مؤسسة عبد الرحمان السلاوي، معرض الصور الفوتوكَرافية Tempu Fugit، الخاصة بالحجر الصحي اللي المغرب بسبب فيروس كورونا المستجد، هذ المعرض اللي من إنتاج MAFODER Group، وتحت إشراف المصور الفوتكَرافي محمد كيليطو.

وشاركو فهذ المعرض 8 مصورين شباب بمجموع أزيد من 50 عمل، اللي عرضو فيه أعمالهم خلال فترة الحجر وما بعدها، الشي اللي حتم على المصورين باش يخدمو من الدار، أو يصورو حوايج وقعات فهذ الفترة دالإغلاق التام، إلى كان عندهم آكسي باش يخرجو.

كل مصور قدر، بطريقتو الخاصة، يحكي على آشنو وقع خلال هذ الفترة الاستثنائية، بحيث كاين اللي صور من الدار بالتقاط صور بزوايا بسيطة لكن فيها عمق كيحكي على هذ الفترة، بحال مهدي مريوش، كاين اللي خدم على الأطر الطبية والصحية بحال يزة السلاوي، وكاين اللي كانت عندو الفرصة باش يخرج يصور وضعية الحجر الصحي من برا بحال ياسين التومي ووليد بندرا، وكاين اللي ختار يحكي على فترة الحجر الصحي بطرق أخرى بحال فاطمة الزهراء السري، سيف كوسمات، وهشام بن حود.

وحول هذ المعرض، قال المشرف محمد كيليطو، أن هذ المشروع كيركز بالأساس على السرد، وكيهتم بجم مجموعة من القصص ودمجها، من خلال منح كل مصور بالتعبير بحرية على الرؤية ديالو لهذ المرحلة…

من جهتو، اعتبر ابراهيم السلاوي، المدير العام لمجموعة “مافودير”، أن الفنانين المصورين، خلال نظرتهم، بحال مؤرخي الحاضر، وهوما اللي يقدرو يشهدو على شنو دوزنا، فهذ المرحلة.

والمعرض تفتح ف20 مارس، وغيستمر حتى ل20 ماي.

موضوعات أخرى

23/09/2021 22:21

عاجل.. سالا الكلام: عمدة الرباط داتها اسماء اغلالو والاجتماع فدارها باقي مسالاش بحضور الطالبي وأوزين وها كيفاش كولشي تحسم