هناء ابو علي – كود//

وخا هو اتهام عادي و متبادل بين المواطنين  ف المغرب و دول اخرى بحال جامايكا ولكن ف ميريكان جات فشكل، واحد الموسيقية سميتها كيمبرلي طومبسون  كانت خدامة ف فالفرقة ديال بيونصي، قالت للصحافة بلي سحرات ليها هي و المش ديالها.

السيدة  فعمرها 37 عام قالت بانها ضحية د بيونصي السحارة  اللي كتحكم فيها عن بعد بالسحر الاسود ومكتخليهاش تدير اي حاجة مزيانة ف مستقبلها، بحال التابعة، و زادت وضحات ان الباطرونة ديالها السابقة كتدخل ليها ف جسدها.. و المصيبة هي ان  هاد الفنانة مشات للمحكمة و دعات بيونصي ولكن القاضي حفظ القضية و رفض البث فيها.

بيونصي اللي كتدير جولة مع راجلها جاي زي مابغاتش تعلق على هاد الاتهام ملي اتصلو بها الصحفيين.