كود سبور//

تألق الدولي المغربي ياسين كشطة مع لوهافر ضد ستراسبورگ اليوم الاحد، ضمن منافسات البطولة الفرنسي، وماركا 2 بيوتا فماتش شاركو فيه عدد مهم من اللاعبين المغاربة.

وسالا الماتش بين لوهافر وستراسبورگ بنتيجة 3 لواحد، وقدر ياسين كشطة بماركي أول هدف له فبطولة فرنسا، ملي افتتح التسجيل للوهافر بهدف فالدقيقة 24، ومن بعدها رجع ضرب الهدف الثاني له وللوهافر فالماتش فالدقيقة 65، أما ستراسبورگ اللي حابس لهم الگول المغربي علاء بولعروش ماركاو هدفهم الوحيد فالدقيقة 86 بواسطة فريديرك جولبيرت، قبل ما يرجعو لوهافر يضربو الهدف الثالث بواسطة اندري ايو.

وعرف الماتش مشاركة 4 اللاعبين مغاربة، 3 من لوهافر هما ياسين كشطة اللي لعب حتى الدقيقة 80 وخرج، وأسامة تيرغالين اللي حتى هو لعب نفس الوقت وخرج، ووليد الحجام اللي كان احتياطي ودخل فالدقيقة 80، ومن جهة ستراسبورگ لعب الگول علاء بولعروش الماتش كامل.