عفراء علوي محمدي- كود//

صفر الجمهور الإسرائيلي على اللاعب المغربي الدولي، أشرف حكيمي، خلال مشاركتو فمباراة “السوبر” الفرنسي اللي تقامت فتل أبيب، واللي لعبها فريقو باريس سان جرمان ضد نادي ليل، لبارح الاثنين.

https://twitter.com/jokerzaak/status/1421910852383526913?s=21

هذ التصفار كان بسباب دعم حكيمي للقضية الفلسطينية، واللي خلا الإسرائيليين يحتجو ضدو بالتصفار، فالوقت اللي حاول مايتسوقش ويتابع المباراة، واخا فكل مرة كياخد فيها الكرة كيرتفع التصفار عليه.

وهذشي كان بسباب تدوينة دارها حكيمي فاش وقعو غارات فقطاع غزة فماي اللي فات، واللي كتب فيها “Free Palestine”، بالإضافة لمواقف اخرى داعمة لفلسطين.