كود – وكالات//

عرفات ولاية بنسلفانيا الأمريكية قضية صدمات الرأي العام، بعدما تشد عريس مباشرة من بعد عرسو، بسبب اتهامات باغتصاب وحدة من المعروضات فليلة العرس، التحقيقات وفحوصات الحمض النووي (DNA) أكدات، حسب السلطات، تورطو فالقضية.

وحسب الوثائق القضائية، البوليس شدو زاكاري بروتي، اللي عندو 38 عام، ؤ وجهو ليه تهم، من بينها الاغتصاب والاعتداء الجنسي، البوليس جاهم بلاغ من سبيطار جيتيسبيرغ، بعدما دازت الضحية من فحص طبي خاص بحالات الاعتداء الجنسي.

الضحية صرحات للمحققين أنها كانت معروضة لعرس بروتي، وبقات مع ضيوف آخرين فدار بمدينة جيتيسبيرغ، مورا مانعس كلشي بقات بوحدها مع العريس، اللي بدا كيتحرش بها، ومن بعد تبعها لبيت آخر، قبل ما تفقد الوعي.

وفالصباح، كتقول الضحية بلي فاقت فبيت مكتعرفوش، ولقات حوايجها مرميين على الارض، وما كانتش عارفة شنو وقع ليها فالليل.

وخا أن المتهم مبغاش يعترف ولكن نتائج المختبر الجنائي بينات بلي تحاليل الحمض النووي طابقات مع جينات المتهم، باحتمال كيفوت بـ95 مليار مرة مع اي واحد.